நிச்சயமற்ற சூழலுக்கு ஏற்ற முதலீட்டு திட்டங்கள்

முதலீடு செய்யும் ஒவ்வொருவரும் விரும்புவது எந்த பதற்றமுமின்றி, அதிக ஏற்ற இறக்கம் இல்லாமல் நிலையான நல்ல வருமானத்தை ஈட்ட வேண்டும் என்பதே. அமைதியான முதலீட்டு அனுபவமே வெற்றிகரமான முதலீட்டாளராக சிறந்து விளங்குவதற்கு அடிப்படை. வெவ்வேறு பிரிவுகளில் முதலீடு செய்வதில் குறிப்பிடத்தக்க இடர்கள் இருந்தாலும், மூலோபாய அடிப்படையிலான முதலீடு மற்றும் சில அடிப்படை முதலீட்டு விதிகளை கடைபிடிக்கும்போது நாம் செய்யும் முதலீடானது விரும்பிய பலனைத் தரும்.

ரஷ்யா-உக்ரைன் போர், இஸ்ரேல்-ஹமாஸ் மோதல் என புவிசார் அரசியல் பதற்றங்களால் திடீரென சந்தைகள் சரிவதும், பின்பு எழுவதும் அன்றாட நிகழ்வாக மாறி வருகிறது. முக்கியமாக, பங்குச் சந்தையில் மிட்கேப் மற்றும் ஸ்மால்கேப் பிரிவுகள் செயல்பாடுகள் கணிக்க முடியாத நிலையில் உள்ளன.