சூடாகி வரும்: காபி சந்தை

கரோனா பெருந்தொற்றுக்குப் பிறகு சென்னை, டெல்லி, மும்பைஉள்ளிட்ட பெருநகரங்களில் பழையபடி மக்கள் அலுவலகத்துக்குத் திரும்ப ஆரம்பித்திருப்பதன் மூலம் காபிசங்கிலித் தொடர் கடை பிராண்டுகளுக்கு இடையே திடீரென ஒரு முனைப்பு ஏற்பட்டிருக்கிறது. இந்தியாவில் காபியின் சில்லறை வணிக வருமானம் ரூ.4,500 கோடியாக உயர்ந்துள்ளது.

ஒரு கப் காபி பருகும்போது நிறையவிஷயங்கள் நடக்கலாம் என்கிற பஞ்ச் வாக்கியத்தோடு 1996-ம் ஆண்டு ஜூலை மாதம் கர்நாடக மாநிலம் பெங்களூருவில் 'கஃபே காபி டே' முதல் கடை திறக்கப்பட்டது. 2019-ம் ஆண்டு இதன் நிறுவனர் சித்தார்த்தாவின் மறைவுக்குப் பிறகு இந்த சங்கிலித்தொடர் கடைகள் பலஏற்ற தாழ்வுகளைச் சந்தித்து இன்றைக்குப் புத்துயிர் பெற்று இயங்கி வருகிறது. இதற்குப் போட்டியாக இன்றைக்கு பல சங்கிலித் தொடர் கடைகள் ஆரம்பிக்கப்பட்டு காபி சந்தை களைகட்டி வருகிறது.