உலக சிறுதானிய ஆண்டு 2023: வலிமை தரும் குதிரைவாலி

பிரமிடுகளில் வைக்கப்பட்டிருக்கும் மம்மிகளை ஆராய்ந்த விஞ்ஞானிகள் அந்த மம்மிகளில் காணப்பட்ட குதிரைவாலி தானியத்தின் படிவங்களைக் கண்டு வியப்படைந்தார்கள். பல்லாயிரம் ஆண்டுகளுக்கு முன் வாழ்ந்த மனிதர்கள் குதிரைவாலியைத் தங்கள் உணவில் பயன்படுத்தினார்கள் என்பதை உணர்த்திய கண்டறிதல் இது.

இந்தியாவில் தமிழ்நாடு, மத்தியப்பிரதேசம், மகாராஷ்டிரம், சண்டிகர் போன்ற மாநிலங்களில் குதிரைவாலி பரவலாகப் பயிரிடப்படுகிறது. இதன் விளைந்த கதிர், குதிரை வாலைப் போல் தோற்றமளிப்பதால் அந்தப் பெயர் வந்தது.
குதிரைவாலியின் மருத்துவ சிறப்புகள் எண்ணிலடங்காதவை! இது புரதச் சத்து நிறைந்தது; எளிதில் செரிமானம் அடையக் கூடியது. குதிரைவாலியில் மாவுச்சத்து (கார்போ ஹைட்ரேட்) அளவு குறைவாக இருப்பதால், மெதுவாக செரிமானம் அடைகிறது. அதாவது, நீரிழிவு நோயாளிகளுக்கு ஏற்ற உணவு இது.