இயற்கை 24X7 - 38: நுகர்வு என்னும் நுட்பவலை

இயற்கை வளங்களைத் தேடி உலகமெங்கும் ஐரோப்பியர்கள் அலைந்து திரிந்த காலம். வட அமெரிக்கக் கண்டத்தில் ஏராளமான எண்ணிக்கையில் திரிந்துகொண்டிருந்த காட்டு எருமைகளைக் கண்டு அவர்கள் வியந்தனர்.

குறிப்பாக, மென்மயிர் வணிகர்களுக்கு நாவில் எச்சில் ஊறியது. காட்டெருமைகளைக் கொன்று தோலுரித்து மென் மயிர்களை ஐரோப்பியச் சந்தையில் விற்றால் பெரும் லாபம் ஈட்டலாம் என்று கணக்கிட்டனர். அவற்றை, அமெரிக்காவில் வசித்த செவ்விந்தியத் தொல்குடிகளைக் கொண்டு வேட்டையாடத் திட்டமிட்டனர்.