கூடு திரும்புதல் 02: பனியுகம்

நாம் வாழ்ந்துகொண்டிருக்கும் மானுட யுகம், குறைந்தபட்சம் ஐந்து பனியுகங்களைக் கடந்து வந்துள்ளது. கடந்த பத்து லட்சம் ஆண்டுகளில் மட்டும் 12 முறை பனிப்பாறைப் பரவல் (glaciation) நிகழ்ந்திருக்கிறது.

காலநிலை அறிஞர்கள் உறைபனிக் கால வெப்பநிலைகளைக் குறித்த தீவிர ஆய்வுகளில் இறங்கியுள்ளனர். கரிம வளி உமிழ்வுக்கும் வெப்பநிலைக்கும் இடையிலுள்ள தொடர்பு, வெப்பநிலை உயர்வு பூமியை எவ்வாறு பாதிக்கும், எதிர்காலத்தில் பூமியின் வெப்பநிலைப் போக்கு எவ்வாறு இருக்கும் என்பதையெல்லாம் சரியாகப் புரிந்துகொள்ள இந்த ஆய்வுகள் பெருமளவு உதவும்.