ஞெகிழி மாசைத் தவிர்ப்போம்! - பூதாகரமாகும் ஞெகிழி மீளும் வழிகள்

1955 இல் அமெரிக்காவின் ‘லைஃப்’ இதழில் ஒரு விளம்பரம் வெளிவந்தது. ஞெகிழியால் தயாரிக்கப்பட்ட தட்டுகள், கோப்பைகள், கரண்டிகளை ஒரு குடும்பம் காற்றில் வீசும் ஓர் ஒளிப்படம் அதில் இடம்பெற்று இருந்தது. ‘இந்தப் பொருள்களைச் சுத்தப்படுத்த நேரமாகாது; இனி இல்லத்தரசிகள் கவலைப்பட வேண்டியதில்லை; பயன்படுத்திவிட்டுத் தூக்கியெறியுங்கள்’ என்கிற வாசகம் இடம்பெற்றிருந்தது.

இந்த அளவுக்குக் கொண்டாடப்பட்ட ஞெகிழி எப்படி ஆபத்தானதாக மாறியது. அந்த ஒளிப்படத்தில் உள்ள ஞெகிழிக் குப்பை எப்போது தரையில் விழுந்ததோ, அப்போதி லிருந்தே அது ஆபத்தானதாக மாறிவிட்டது.