கலங்கரை விளக்காகக் கடல்சார் படிப்புகள்!

பொறியியல் படிப்புக்கு எப்போதுமே முக்கியத்துவம் உண்டு. இத்துறையில் வேலை வாய்ப்புகளுக்குப் பஞ்சமே இல்லை. பொறியியலில் புதிதாக எத்தனை படிப்புகள் வந்தாலும், வழக்கமான கட்டிடப் பொறியியல், இயந்திரவியல், மின்னியல் மற்றும் மின்னணுவியல், தகவல் தொழில்நுட்ப துறைச் சார்ந்த படிப்புகளுக்கே மவுசு அதிகமாக இருக்கும். ஆனால், அண்மைக்காலமாக கடல் சார்ந்த பொறியியல் படிப்புகளின் பக்கமும் மாணவர்கள், பெற்றோரின் பார்வைத் திரும்பியிருக்கிறது.

என்ன, எங்கு படிக்கலாம்? - சர்வதேச அளவில் கடல்சார் போக்குவரத்துக்கான தேவை எப்போதும் இருப்பதால் இத்துறைச் சார்ந்த படிப்புகளைப் பயில மாணவர்கள் ஆர்வம் காட்டி வருகிறார்கள். அது மட்டுமல்ல இத்துறையில் நிறைய வேலைவாய்ப்புகளும் இருப்பதாகத் துறை வல்லுநர்கள் உறுதிபடச் சொல்கிறார்கள்.