ஆங்கிலம் அறிவோமே 4.0 - 23: அங்கே ‘ஹலபலூ’வா இருக்கா?

‘Hello’ என்கிற சொல்லை ஓரிடத்தில் ‘hallo’ என்று குறிப்பிட்டிருந்தார்கள். எது சரி? தினமும் பயன்படுத்தும் இந்த வார்த்தைக்கு என்ன பொருள்?'

‘Hello’ என்பது ஒரு கவன ஈர்ப்பு வார்த்தை. இதற்கென்று தனி அர்த்தம் கிடையாது. ஜெர்மனியில் படகோட்டிகள் ஒருவரது கவனத்தை மற்றொருவர் ஈர்க்க ‘ஹலாலா’ அல்லது ‘ஹோலா’ என்று அழைக்க, அதுவே பிரபலமாகிவிட்டது. ‘ஹலோ’ என்று நாம் அழைக்கும் வார்த்தையை ‘hallo’, ‘hello’, ‘hollo’ என்று எப்படி வேண்டுமானாலும் எழுதலாம். ஆனால், ஒரே கட்டுரை அல்லது உரையில் பல இடங்களில் இந்தச் சொல் இடம்பெறும்போது ஒரேவிதமாக எழுதுவது நல்லது.