இந்தியாவில் அறிமுகமாகும் யூடியூப் படிப்புகள்

இந்தியாவில் ஒவ்வோர் ஆண்டும் சமூக வலைத்தளங்களின் வளர்ச்சி அதிகரித்துக்கொண்டே செல்கிறது. வெறும் பொழுதுபோக்கு அம்சமாகப் பார்க்கப்பட்ட சமூக வலைத்தளங்கள், இன்று வருவாய் வாய்ப்பை ஏற்படுத்தித் தரும் அளவுக்குப் பெரும் வளர்ச்சியைப் பெற்றிருக்கின்றன.

காணொளிகள் சார்ந்த சமூக வலைத்தளங்கள் அதில் பெரும் தாக்கத்தை ஏற்படுத்திவருகின்றன. இந்தியாவில் யூடியூப், இன்ஸ்டகிராம், ஃபேஸ்புக் உள்ளிட்ட சமூக வலைத்தளங்களில் பதிவேற்றப்படும் காணொளிகள் வருவாய் ஈட்டும் வாய்ப்புகளைச் சற்று அதிகமாகவே வழங்கிவருகின்றன. குறிப்பாக இதில் யூடியூப் முன்னிலையில் இருந்துவருகிறது.