குடியரசுத் தலைவர் தேர்தல் டைரி 1967: 17 பேர் போட்டியிட்ட குடியரசுத் தலைவர் தேர்தல்!

இந்தியாவில் 1967ஆம் ஆண்டு நடைபெற்ற குடியரசுத் தேர்தல், அதற்கு முன்பு நடைபெற்ற தேர்தல்களைவிட வித்தியாசமான தேர்தல் என்றே சொல்லலாம். 1952, 1957, 1962 என முதல் மூன்று குடியரசுத் தலைவர் தேர்தல்களும் சம்பிரதாயத்துக்கு நடந்ததைப் போலவே நடந்தேறின. ஆளும் காங்கிரஸ் கட்சி நிறுத்திய வேட்பாளர்களை எதிர்த்து எதிர்க்கட்சிகள் வேட்பாளர்களை நிறுத்தவில்லை. ஆனால், 1967இல் நடந்த குடியரசுத் தலைவர் தேர்தலில் 17 பேர் போட்டியிட்டனர். மேலும் எதிர்க்கட்சிகளும் வேட்பாளர்களைக் களமிறக்கின. 1967 குடியரசுத் தலைவர் தேர்தல் நடந்தபோது மேற்கு வங்கம், பஞ்சாப், கேரளம், தமிழ்நாடு ஆகிய மாநிலங்களில் காங்கிரஸ் கட்சியின் ஆட்சி மாறி எதிர்க்கட்சிகள் ஆட்சிக்கு வந்திருந்தன.