நம் பால்வீதியின் முதல் கருந்துளைப் படம்

வானியல் துறையில் அடுத்த மைல்கல் சாதனை நிகழ்த்தப்பட்டுள்ளது. நமது பால்வழி மண்டலத்தின் மையத்தில் உள்ள கருந்துளையின் படத்தை ‘நிகழ்வெல்லை தொலைநோக்கி கூட்டமைப்பை’ச் சேர்ந்த வானியல் அறிஞர்கள் மே 12 அன்று வெளியிட்டுள்ளனர்.

ஏற்கெனவே 2019இல் எம்87* என்கிற கருந்துளையின் படம் இவர்களால் வெளியிடப்பட்டிருந்தது. தற்போது படம் எடுக்கப்பட்டுள்ள கருந்துளையின் பெயர் சஜிட்டேரியஸ் ஏ*. கோடைக்கால இரவு வானில் இரவு எட்டு மணிக்கு மேல் தென்கிழக்குப் பகுதியில் தேள் நட்சத்திரக் கூட்டம் உதிக்கும். அதற்குச் சற்றுக் கீழேதான் சஜிட்டேரியஸ் நட்சத்திரக் கூட்டம் இருக்கிறது. இந்தத் திசையில்தான் பால்வழி மண்டலத்தின் மையம் இருப்பதால் இக்கருந்துளையை சஜிட்டேரியஸ் ஏ* என்றழைக்கிறார்கள்.