ஆங்கிலம் அறிவோமே 4.0 - 83: ‘Karaoke’ என்பது என்ன?

‘I am a tech savvy’ என்று எனக்குத் தெரிந்த ஒருவர், தன்னைப் பற்றிப் பெருமையாகக் கூறிக்கொண்டார். இது குறித்து நீங்கள் விளக்க முடியுமா? - அவரைப் பற்றி அறியாததால், அவர் அப்படியா என்பதை என்னால் விளக்க முடியாது. எனவே, ‘tech savvy’ குறித்துப் பார்ப்போம். ‘Savvy’ என்றால் நடைமுறைகளை நன்கு புரிந்து வைத்திருப்பது. அதாவது, சுற்றிலும் நடப்பவற்றைக் குறித்த விவரங்களைத் தெரிந்து வைத்திருந்து, சரியான முடிவுகளை எடுக்கும் தன்மையைக் கொள்வது.

‘Teenagers are savvy about digital information.’ எந்தப் பிரிவில் சிறப்பு இருக்கிறது என்பதைப் பொறுத்து ‘political savvy’, ‘tech savvy’ என்று குறிப்பிடப்படுகிறார்கள். ‘Tech savvy’ என்றால் தொழில்நுட்ப விஷயங்களில் (குறிப்பாகக் கணினி தொடர்பானவை) மிகவும் தேர்ச்சி பெற்றவர் என்று பொருள்.