தமிழ் இனிது 25: ஒரு வினாடிக்கு எத்தனை நொடி?!

சம்மந்தி – சம்பந்தி: திருமண உறவால் இரண்டு குடும்பங்கள் இணைவதே சம்பந்தம். புதிய உறவின் குடும்பத் தலைவர்கள் சம்பந்தி ஆகின்றனர். சமமான பந்தம் (உறவு)- சம பந்தம் - சம்பந்தம் ஆனது. ‘மருமகனின் / மருமகளின் பெற்றோர்’ எனும் பொருள் தரும் சொல் இது. ‘சமன் செய்து’ (குறள்-118), ‘சரிநிகர் சமானம்’ - பாரதி, ‘சமச்சீர்க் கல்வி’ போல, சம்பந்தியும் – ஏற்றத் தாழ்வில்லாத - சமத்துவம் கருதிய சொல்லே.

இரண்டு முழங்காலையும் சமமாக மடக்கி அமர்வது சம்மணம். (ச(ம்)மணர் இவ்வாறே அமர்வர்). பந்தி எனில் விருந்து வரிசை. ஊரார் இதனை ‘கொண்டான் - கொடுத்தான்’ என்றே பேச்சு வழக்கில் சொல்கிறார்கள்.