ஆங்கிலம் அறிவோமே 4.0: 57 - ‘ஆட்டோகிராப்’, ‘96’ என்ன வகை படங்கள்?

ஒருவரை ‘trap’ செய்வது என்றால் என்ன? - ஓர் அறையில் சிலரை அடைத்து, கதவை சாத்தி பூட்டி விடுகிறோம் என்றால், ‘they have been trapped.’ என்றாலும், ஒருவரை சங்கடத்தில் ஆழ்த்துவது என்ற பொருளும் இதற்கு உண்டு. பதில் கூற முடியாமல் ஒருவரை மடக்கி விடுவதையும் இப்படிக் குறிப்பிடலாம். ‘Let me trap you with this question.’ அதாவது, தப்பிக்க முடியாத ஒரு மோசமான சூழ்நிலையில் ஒருவரை சிக்க வைப்பதை ‘trap’ எனலாம். ‘Mousetrap’ என்பது எலிப்பொறியைக் குறிக்கிறது. மிகவும் விரிசல்கள் கொண்ட, எப்போது வேண்டுமானாலும் இடிந்து விடலாம் என்கிற கட்டடத்துக்கு நீங்கள் குடிபோனால் ‘you enter a deathtrap.’