தமிழ் இனிது: தமிழால் அறிவோம் நம் வாழ்க்கையை

உலகின் தொன்மையான மொழிகளில் ஒன்றான தமிழின் உண்மையான பெருமை அதன் தொடர்ச்சிதான். தொல்காப்பியரின் சங்கப் பலகையில் கிடந்த தமிழ் இப்போது பில்கேட்சின் சன்னல் (விண்டோஸ்) பலகையிலும் கிடைப்பதுதான் உண்மையான பெருமை. குறிஞ்சி, முல்லை, மருதம், நெய்தல், பாலை என ஐந்து திணைகளில் கிடந்த தமிழ் இப்போது அனைத்துக் கண்டங்களையும் கடந்து ஆறாம் திணையாக இணையத் தமிழாக வளர்வது பெருமை.

ஜனநாயகத் தமிழ்: உலக மொழிகள் பலவற்றுக்கு இல்லாத பெருமை தமிழுக்கு உண்டு என்றால், அனைத்து மதங்களுக்கும் இடம்கொடுத்து அனைத்து மக்களுக்குமான ஜனநாயக மொழியாகத் திகழ்வதைச் சொல்ல முடியும்.