வாசிப்பை நேசிப்போம்: முதல்வர் அனுப்பிவைத்த புத்தகங்கள்

நம்மைச் சார்ந்தவர்களின் பாதிப்பால் தான் நமது பழக்கவழக்கங்கள் அமைகின்றன. என் அப்பா, அண்ணா அன்பழகன் வாசக எழுத்தாளர். அம்மா மல்லிகா, தமிழாசிரியர். வீடு முழுவதும் பரவிக் கிடக்கும் பருவ இதழ்கள், புத்தகங் கள் மீது தவழ்ந்துதான் வளர்ந்தேன்.

நான் ஐந்தாம் வகுப்பு படித்தபோது அப்பா, சிறுவர் மணி, கோகுலம், சுட்டி விகடன் இதழ்களை அறிமுகப்படுத்தினார். பிடித்துப் போய் தொடர்ந்து வாசித்தேன். சுட்டி விகடனில் சிறந்த வாசகர் கடிதங்களுக்குப் புத்தகப் பரிசு உண்டு. அன்னை தெரசா, மண்டேலா, ஈ.வெ.ரா வாழ்க்கை வரலாற்றுப் புத்தகங்களைப் பரிசாக வாங்கி வாசித்தேன்.