பெண்கள் 360: சாலையிலும் பாதுகாப்பு இல்லை

மும்பையின் சாலையில் லைவ் ஸ்ட்ரீமிங் செய்துகொண்டி ருந்த தென்கொரியப் பெண்ணி டம் இளைஞர் ஒருவர் தவறாக நடந்துகொண்ட வீடியோ பெரும் அதிர்ச்சியை ஏற்படுத்தியுள்ளது. தென்கொரியாவைச் சேர்ந்த அந்த யூடியூபர் நவம்பர் 30ஆம் தேதி இரவு லைவ் ஸ்ட்ரீமிங்கில் இருக்க, அந்தப் பக்கமாக வந்த இரண்டு இளைஞர்களில் ஒருவர் அந்தப் பெண்ணிடம் சென்று பேசுகிறார். அவரைத் தன் இருசக்கர வாகனத்தில் வரும்படி அழைக்கிறார். அந்தப் பெண் மறுக்க, அவரது கையைப் பிடித்து இழுத்து வற்புறுத்துகிறார். பிறகு அந்தப் பெண்ணை முத்தமிட முயல்கிறார்.

இந்தச் சம்பவத்தின் வீடியோவை ஒருவர் தன் ட்விட்டர் பக்கத்தில் பகிர அது வைரலானது. அதைத் தொடர்ந்து மும்பை கார் (வடக்கு) பகுதி காவல்துறையினர், தென்கொரியப் பெண்ணிடம் தவறாக நடந்துகொண்ட மொபின் சந்த் முகமது ஷேக் (19), முகமது நஜிப் அன்சாரி (20) ஆகிய இருவரையும் கைதுசெய்தனர்.