பேசு பெண்ணே - 6 | சமையலறை ஆண்மையை உறிஞ்சும் கூடாரமல்ல

அண்மையில் சமூக வலைத்தளங்களில், ‘என்ன குழம்பு வைக்கலாம்?’ என்று ஆளாளுக்கு மண்டையைப் பிய்த்துக் கொள்ளும் நகைச்சுவை காணொளி வைரலானது. நிதர்சனம் என்னவென்றால் அந்த நகைச்சுவைக் காட்சியில் வருவதைப் போல இந்தக் குழப்பத்தில் பெரும்பாலும் குடும்ப நபர்கள் அனைவரும் பங்குகொள்வதில்லை. பெண்கள் மட்டும்தான் மண்டையை உடைத்துக்கொள்வார்கள்.

“நான் சூப்பரா பிரியாணி செய்வேன். என் மனைவிக்கு நான் வைக்கிற மீன் குழம்புதான் பிடிக்கும்!” என்று ஆண்களும் பெருமையுடன் சொல்லத் தொடங்கிவிட்ட காலம்தான் இது. சமையல் செய்து படங்கள் பகிரும் ஆண்களுக்குச் சமூக வலைத்தளங்களில் பெண்களிடம் தனி மவுசு இருப்பதும் முக்கியக் காரணம்.