திருமண உறவுக்குள் ஏன் இன்னொருவர் வருகிறார்? | உரையாடும் மழைத்துளி - 10

சமூக வலைதளங்களில் இன்றைக்கு அதிகமாகப் பேசப்படுவது திருமணத்தை மீறிய உறவுதான். ஏன் இப்படியான உறவுகள் தற்போது அதிகரிக்கின்றன என்று யாரும் பெரிதாகப் பேசுவதில்லை. அதை விட்டுவிட்டுப் புறணி பேசும் பாணியிலான வார்த்தைகளே அதிகமாகப் புழங்குகின்றன. குறிப்பாக, சமூக வலைதளங்களில் இவை பற்றிய காணொளிகளில் பலரும் அதிக ஆர்வத்துடன் பதிவிடுகின்றனர்.

சமூகம் பார்ப்பதுபோல் உறவுகள் எல்லாமே வெறும் பாலுறவு சம்பந்தப் பட்டவைதானா என்றால் முழுக்க முழுக்க உடல்ரீதியான ஈர்ப்பு மட்டுமே என்று சொல்லிவிட முடியாது. இன்றைய இயந்திரத்தனமான வாழ்வில் கணவனுக்கும் மனைவிக்கும் இடையே பரஸ்பரப் புரிதலும் அன்பும் எங்கோ ஓரிடத்தில் விடுபட்டுவிடுகிறது. அதே வேளை பெண்களும் ஆண்களுக்கு நிகராக