மலைபோல் உயர்ந்து நிற்கும் முதுவர் பெண்கள்!

நவீன வசதிகள் பெருகி, உள்ளங்கைக்குள் உலகம் அடங்கிவிட்ட இந்நாளிலும் மனிதத் தொடர்புகள் அற்ற மலைக்காடுகளில் மக்கள் வாழ்ந்துகொண்டிருக்கிறார்கள். மேற்கு மலைத்தொடரில் வாழும் ‘முதுவர்’ பழங்குடி மக்கள் பற்றிய 14 ஆண்டு கால ஆய்வில் நான் அறிந்துகொண்ட அனைத்துமே அரும்பெரும் பொக்கிஷங்கள்!

மேற்கு மலைத்தொடரில் உள்ள கரிமுட்டி, ஆட்டுமலை, பூச்சிகொட்டாம்பாறை, மேல் குறுமலை, மஞ்சம்பட்டி, வெள்ளிமுடி, வெள்ளக்கல், சங்கரன்குடி ஆகிய எட்டு மலைகளில் முதுவர் வாழ்கின்றனர். துணிவும் வீரமும் நிறைந்த முதுவர் பெண்கள் என்னை வியப்பில் ஆழ்த்தினர்.