மீண்டும் ஒரு ‘காதல்’ கட்டுக்கதை?

அண்மையில் வெளியாகித் தற்போது ‘டிஸ்னி பிளஸ் ஹாட்ஸ்டார்’ ஓடிடி தளத்திலும் வெளியிடப்பட்டிருக்கும் ‘லவ்வர்’ தமிழ்ப் படம் இன்றைய இளம் தலைமுறையினர் குறித்தும் காதல் பற்றிய அவர்களது புரிதல் குறித்தும் பல்வேறு கேள்விகளை எழுப்புகிறது.

கதையின் நாயகனும் நாயகியும் கல்லூரிக் காலம் தொடங்கி ஆறு ஆண்டுகளாகக் காதலிக்கிறார்கள். அல்லது நாயகி அப்படி நம்ப வைக்கப்படுகிறாள். நாயகி மென்பொருள் நிறுவனத்தில் வேலைசெய்ய, நாயகனோ ‘கஃபே’ நடத்த வேண்டும் என்கிற தன் கனவைத் துரத்தியபடி இருக்கிறார். கனவைத் துரத்துவதைப் பகுதி நேரமாகவும் நாயகியை வேவு பார்த்தபடி இருப்பதை முழு நேரமாகவும் செய்துவருகிறார். இதுவல்லவோ அமரத்துவமான காதல்!