மகளிர் திருவிழா: மகிழ்ச்சி வெள்ளத்தில் மதுரை வாசகிகள்

‘இந்து தமிழ் திசை’யின் ‘பெண் இன்று’ சார்பில், மதுரை மாநகரில் மகளிர் திருவிழா கடந்த டிசம்பர் 3 ஞாயிற்றுக்கிழமையன்று கோலாகலமாக நடைபெற்றது. கடலூர் மகளிர் திருவிழாவைத் தொடர்ந்து மதுரையில் நடைபெற்ற மகளிர் திருவிழாவில் மதுரை மட்டுமல்லாமல் திருச்சி, திண்டுக்கல், பழனி, விழுப்புரம் உள்ளிட்ட ஊர்களில் இருந்தும் வாசகியர் உற்சாகத்துடன் பங்கேற்றனர்.

மதுரை அமெரிக்கன் கல்லூரியில் நடைபெற்ற விழாவில் மதுரை சரக டிஐஜி ஆர்வி. ரம்யா பாரதி, மனநல மருத்துவர் கௌதமி ஆகியோர் சிறப்பு விருந்தினர்களாகப் பங்கேற்றனர்.