பக்கத்து வீடு: காலை இழந்தாலும் ஓடலாம்!

“நான் எதையோ இழந்துவிட்டதாக உணர்ந்தேன். ஆனால், அது என்னவென்று தெரியவில்லை. மெதுவாகக் கீழே பார்த்தேன். ஐயோ... என் காலின் எச்சங்களைத்தான் கைகளில் வைத்திருந்தேன். உயிர் போகும் வலி இருந்தாலும், நான் கத்தவோ அழவோ இல்லை” என்று குண்டு வெடிப்பில் தன் காலை இழந்ததை நினைவுகூர்கிறார் டிமா அல்-அக்தா.

சிரியாவைச் சேர்ந்த ஓட்டப்பந்தய வீராங்கனை டிமா, 11 ஆண்டுகளுக்கு முன்பு, 18 வயதில் தன் ஒரு காலை இழந்தார். சிரியாவில் போர் ஆரம்பித்த சில நாள்களிலேயே வீட்டில் இருந்தபோது குண்டுவெடிப்பை எதிர்கொண்டார். “காலை இழந்த துயரம் என்னை ஆக்கிரமித்தாலும் உயிர் பிழைத்திருக்கிறேனே என்கிற எண்ணம் என்னை வலிமையானவளாக மாற்றியது” என்கிறார் டிமா.