நலம், நலம் அறிய ஆவல்: இரட்டை பிரச்சினைக்கு வழி சொல்லுங்கள்

சுதன் கார்த்திக், மின்னஞ்சல்

முதலில் அல்சருக்குச் சரியான சிகிச்சையை எடுத்துக்கொள்ளுங்கள். உணவு முறையை சீராக்குங்கள். புகைப்பழக்கம், மதுப்பழக்கம் என ஏதாவது இருந்தால் விட்டொழியுங்கள். அப்போதுதான் அல்சர் எனும் இரைப்பைப் புண் முழுமையாகச் சரியாகும்.

உங்கள் சுவாச ஒவ்வாமைக்குக் காரணம் தெரிந்து சிகிச்சை பெறுங்கள். உங்களுக்கான ஒவ்வாமையைத் தூண்டும் காரணியை அகற்றவோ, தவிர்க்கவோ முயலுங்கள். சுவாசப் பயிற்சிகளை முறையாக மேற்கொள்ளுங்கள். இதில் யோகாவும் உதவும். சுவாச ஒவ்வாமைக்கு ஸ்டீராய்டு மாத்திரைகளைத் தொடர்ந்து எடுத்துவருவதாக இருந்தால், அதை குறைத்துக்கொள்ளுங்கள். ஏனென்றால், அந்த மாத்திரைகள் நோய் எதிர்ப்பு ஆற்றலைக் குறைத்து, உடலை பலவீனப்படுத்தக்கூடியவை.
Dr Ganesan 

அடுத்து, அல்சர் காரணமாக சத்துள்ள உணவை எடுத்துக்கொள்ளத் தவறி இருக்கலாம். அதன் விளைவாக, உங்களுக்குச் சத்துக்குறைவு ஏற்பட்டிருக்கலாம். எனவேதான், சத்து மாத்திரைகளை உங்கள் மருத்துவர் பரிந்துரைத்திருக்கிறார். அவற்றைத் தொடர்ந்து எடுத்துக்கொள்ளுங்கள். இவற்றில் குணமாவதுபோல் தெரியவில்லை என்றால், உளவியல் ஆலோசனை பெற்றுக்கொள்வது நல்லது.