ஆட்டிசம் அறிவோம்

ஆட்டிசம் பாதித்துள்ள 13 வயது மும்பை சிறுமி ஜியாராய், தலைமன்னாரில் இருந்து தனுஷ்கோடி வரையிலான 29 கி.மீ. தூரத்தை 13.05 மணி நேரத்தில் இந்த ஆண்டில் நீந்திக் கடந்தார். ஆட்டிசம் விழிப்புணர்வுக்காக அவர் செய்த சாதனையும், ஆட்டிசம் குறித்தான மருத்துவ ஆய்வுகளும் நம்பிக்கை அளித்தாலும், இது பற்றிய தொடர் விழிப்புணர்வு அவசியம் தேவைப்படுகிறது.

ஆட்டிசம் என்றால் என்ன? - ஆட்டிசம் என்பது மூளை நரம்பு வளர்ச்சி சார்ந்த குறைபாடுகளுள் ஒன்று, நோயல்ல. குழந்தை பள்ளிக்குச் செல்வதற்கு முன்பாகவே இது வெளிப்படத் தொடங்கிவிடும். குழந்தை வளரும்போது, தன்னளவிலும், பிறருடன் பழகுதலிலும், கற்றல் - ஒருங்கிணைப்புத் திறனிலும் பாதிப்பை ஏற்படுத்தும். பொது வாகவே, குழந்தையின் வளர்ச்சி குறித்த பரிசோதனையின்போது, வளர்ச்சியில் ஏற்படும் தாமதத்தையும், குறைகளையும், அதீத வேகத் தையும் மருத்துவர்கள் கவனத்தில் கொள்வர்.