முலாம் பழம் எனும் நலப் பந்து

இளம் மஞ்சள் நிறத் தேகத்துடன் காட்சி தரும் முலாம் பழங்கள், கிர்ணிப் பழம் என்றும் சில பகுதிகளில் குமட்டிப் பழம் என்றும் அழைக்கப்படுகின்றன. வாட்டும் வெப்பத் தாக்குதல்களிருந்து உடலைப் பாதுகாக்க இயற்கை வழங்கிய கோடைப் பரிசு இது. வறண்ட தோலுடன் காட்சியளித்தாலும் உடலின் வறட்சியை நீக்கும் தன்மையுடையது.

நல்ல அடர்த்தியான மணமும் நீர் நிறைந்த சதைப்பற்றும், உன்னதமான சுவையும் கொண்டது முலாம் பழம். அதிகம் செலவின்றி உண்பவரின் வெப்ப உளைச்சலைக் களைவதோடு பசியையும் தூண்டக்கூடியது.