உலக ரத்த புற்றுநோய் நாள்: முறையான சிகிச்சை ரத்த புற்றுநோயிலிருந்து நம்மைக் காக்கும்

ரத்த புற்றுநோய் குறித்த வதந்திகளைக் களைத்து, பொதுமக்களிடம் விழிப்புணர்வை அதிகரிக்கும் வகையில் ஒவ்வோர் ஆண்டும் மே மாதம் 28ஆம் தேதி அன்று உலக ரத்த புற்றுநோய் நாள் கடைப்பிடிக்கப்படுகிறது.

நம் உடலில் ரத்த வெள்ளையணுக்களின் (White blood cells), அசாதாரணமான உருவாக்கத்தால் / பெருக்கத்தால் ஏற்படும் பாதிப்பே ரத்த புற்றுநோய். ரத்த அணுக்களின் இத்தகைய அபரிமிதமான வளர்ச்சியினால் உடலின் இயல்பான செயல்பாடுகள் முடங்கிவிடும். நோய்த்தொற்றுகளை எதிர்த்துப் போராடும் உடலின் திறனும் குறைந்துவிடும். நாட்கள் செல்ல, செல்ல இதன் அறிகுறிகள் தீவிரமடையும்.