டாக்டர் பதில்கள் 46: பிராய்லர் கோழி சாப்பிட்டால் பூப்பெய்தும் வயது குறையுமா?

என் கணவருக்குச் சர்க்கரை நோய் இருக்கிறது. இன்சுலின் ஊசி மருந்து எடுத்துக் கொண்டுள்ளார். இந்த நோயுள்ளவர்கள் உண்ணாவிரதம் இருப்பது நல்லது எனக் கருதி உண்ணாவிரதம் இருக்கிறார். இதனால் பிரச்சினை வருமா, டாக்டர்? - கே. சித்ரா, கோயம்புத்தூர் - 26

உங்கள் கணவர் விரதம் இருக்கும் முன்பு மருத்துவரைச் சந்தித்து ஆலோசனை பெற்றாரா என்பதை நீங்கள் குறிப்பிடவில்லை. அப்படி ஆலோசிப்பது மிகவும் அவசியம். காரணம், உங்கள் கணவர் காலையில் எடுத்துக்கொள்ளும் இன்சுலின் ஊசி மருந்தின் அளவு, அவர் காலையில் சாப்பிடும் உணவின் அளவைக் கொண்டுதான் தீர்மானிக்கப்பட்டிருக்கும்.