டாக்டர் பதில்கள் 41: வெண்புள்ளி தொற்றுநோய் அல்ல

எனக்கு வயது 33. சிறைவாசி. எனது உதடு, கால் மூட்டுகளில் சருமம் வெள்ளையாகக் காணப்படுகிறது. சிறை மருத்துவரிடம் இதைக் காண்பித்தேன். மெலனின் நிறமிக் குறைபாடு உள்ளதாகச் சொன்னார். இதற்கு என்ன மருத்துவம் உள்ளது? உணவுமுறையில் இதைக் குணப்படுத்த முடியுமா? - யூ.தௌபிக், மத்தியச் சிறை, சேலம்.

உங்களுக்கு வந்துள்ள பிரச்சினைக்கு ‘வெண்புள்ளி’ (Vitiligo) என்று பெயர். இது ஒரு தன்னுடல் தாக்கு நோய் (Auto-immune disease). உடலில் உள்ள நோய் எதிர்ப்புச் சக்தியின் ஒரு பகுதி, சொந்தத் திசுவை அந்நியப் பொருள் என்று தவறாகக் கருதி, அதை அழித்துவிடுகிறது.