பழரசம் பருகி நீரிழப்பைத் தவிர்ப்போம்

நம் உடல் 60% நீரால் நிரப்பப்பட்டுள்ளது. உடலின் ஒவ்வோர் அணுவும் அது சார்ந்த உறுப்புகளும் நீரின் உதவியுடன் ஒரு தொழிற்சாலையைப்போல் இயங்குகின்றன. ரத்தத்தில் உள்ள பிளாஸ்மா திரவத்தில் நீர் 90 % உள்ளது. ரத்தத்தின் ஓட்டம் சீராக செயல்பட நீர் அத்தியாவசியமானது. சருமத்தில் நீரின் பங்கு 64%. இதனால், கோடையில் சுற்றுப்புற வெப்பம் உடலைத் தாக்காமல் சருமம் பாதுகாக்கிறது.

குழந்தைகள், முதியவர்களே நீர்ச் சத்துக் குறைபாட்டால் அதிகம் பாதிக்கப்படுகின்றனர். முதுமையில் தாகம் ஏற்படும் உணர்வு குறையும்; பொதுவாக ‘வாசோபிரசின்’ என்கிற நாளமில்லாச் சுரப்பி ஹார்மோன், சிறுநீரகம் வழியாக அதிக நீரிழப்பு ஏற்படுவதைத் தடுக்கும்.