சொத்தைப் பல்லை நீக்குவதுதான் தீர்வா?

சுமார் முப்பது வருடங் களுக்கு முன்னால் பல் மருத்துவத்துறையில் வேர்சிகிச்சை போன்ற நவீனச் சிகிச்சை முறைகள் இல்லை. ஆகையால் சொத்தைப் பற்களை எடுத்துவிட்டுக் கழற்றி மாட்டக்கூடிய (Removable Denture) அல்லது பிரிட்ஜ் எனப்படும் நிரந்தரச் செயற்கைப் பற்களை (Fixed Denture) பொருத்தி விடுவார்கள்.

ஆனால், இன்றைக்கு அப்படி இல்லை. பல்லை அகற்றுவது என்பது பல் மருத்துவரின் கடைசி தேர்வாகத்தான் இருக்கிறது. ஃபில்லிங், வேர்சிகிச்சை, போஸ்ட் முதலான நவீனச் சிகிச்சைகளின் மூலம் இயற்கைப் பற்களை முடிந்த வரை இருக்கும் இடத்திலேயே பாதுகாத்துத் தக்கவைப்பதே இன்றைய பல் மருத்துவர்களின் ஒரே குறிக்கோளாக உள்ளது.