பச்சை வைரம் 29: கழிவை நீக்க பண்ணைக் கீரை; ஆஸ்துமாவுக்கு முள்ளுக் கீரை

மழை பெய்தால் போதும்; கூட்டமாக முளைத்து நிற்கும் பண்ணைக் கீரை. பஞ்சக் காலங்களில் உணவுப் பற்றாக்குறை ஏற்படும்போது உதவிக்கு வரும் கீரை ரகங்களில் பண்ணைக் கீரையும் முக்கியமானது. விலைக்கு வாங்க வேண்டிய அவசியமில்லை; ஆனால், கொடுக்கும் ஊட்டங்களுக்கோ விலைமதிப்பே இல்லை.

சுவையில் புதுமை: கொஞ்சம் துவர்ப்பையும் கூடுதல் இனிப்பையும் குழைத்து வழங்கும் சுவைமிக்க கீரை இது. உடலுக்குக் குளிர்ச்சியைக் கொடுத்து, இனிப்பான பலன்கள் பலவற்றையும் நமக்காக வழங்கும் பண்ணைக் கீரை.