பச்சை வைரம் 28: சர்க்கரை நோய்க்கு ஆரைகண் நோய்க்குப் புளியாரை

அரைக் கீரை தெரியும்; அதென்ன ஆரைக் கீரை என்கிறீர்களா? குறில் - நெடில் சார்ந்த எழுத்துப் பிழையாக இருக்கும் என்று நினைக்கிறீர்களா? இல்லை. மருத்துவக் குணம் நிறைந்த ஆரைக் கீரை என்றொரு ரகம் உண்டு.

அரைக் கீரையின் பயன்பாட்டுடன் ஒப்பிட்டால் சிறு சதவீதம்கூடப் பயன்படுத்தப்படாத கீரை இது. ஆனால், மலைக் கிராமங்களில் வசிப்பவர்கள், ஆரைக் கீரை கிடைக்கும் நாள்களில் உணவாகவும், மருந்தாகவும் அதிக அளவில் பயன்படுத்துகின்றனர். இனிப்புச் சுவையோடு உடலுக்குத் தேவைப்படும் குளிர்ச்சியை இக்கீரை வழங்கும்.