டாக்டர் பதில்கள் 19: சளி பிடித்திருந்தால் தயிர் சாப்பிடலாமா?

நான் சமீபத்தில் வியாபார விஷயமாக வெளியூருக்குச் சென்றுவந்தேன். ஊருக்குத் திரும்பியதிலிருந்து தொடை இடுக்குகள் சிவந்துள்ளன. அரிப்பும் இருக்கிறது. இது ஏன்? என்ன செய்யலாம், டாக்டர்? - ந. பத்மநாபன், தஞ்சாவூர்.

உங்களுக்கு வந்திருப்பது பூஞ்சைக் காளான் தொற்றாக (Fungal infection) இருக்கலாம். வெளியூர்ப் பயணங்களில் சுத்தமில்லாத பொதுக்கழிப்பறைகளைப் பயன்படுத்தும்போது இம்மாதிரியான தொந்தரவு வருவது இயல்பு. இந்தத் தொற்றுக்கு வியர்க்கிற ஈரமான இடங்கள்தாம் பிடிக்கும் என்பதால், உங்கள் தொடை இடுக்குகளில் அது தொற்றியுள்ளது.