பச்சை வைரம் 04 - ‘கீரைகளின் முதல்வன்’ முருங்கை

கீரை சாம்ராஜ்ஜியத்தில் ‘கீரைகளின் அரசன்’ எனும் பெயரைச் சூட்ட தகுதியானது முருங்கைக் கீரை. முருங்கையின் பசுமையான இலைகளில் மறைந்திருக்கும் கறுப்பு நிற இரும்புச்சத்து, உட்கொள்வோருக்கு குறையாத ஆற்றலை வாரி வழங்கி ரத்தசோகையைத் தடுக்கும். உடனடிச் சமையலுக்கு உதவும் ஆபத்பாந்தவன் முருங்கைக் கீரை.

‘ஊர் முதலி’ எனச் சிறப்பித்துக் கூறப்படும் முருங்கையில் உடலுக்குத் தேவைப்படும் அநேகச் சத்துகள் குடியிருக்கின்றன. ‘வெந்து கெட்டது முருங்கை...’ என்பது, கீரையின் நளபாகத்தோடு தொடர்புடைய ஆழமான உணவு மொழி. முருங்கைக் கீரையை அளவுக்கு அதிகமாக வேக வைக்கும்போது, அதிலிருக்கும் சத்துக்கள் வீணாகி முருங்கைக் கீரையின் பயன்கள் முழுமையாகக் கிடைக்காமல் போய்விடும் என்பதே இதன் பொருள்.