முதுகே நலமா!

பரபரப்பான வாழ்க்கை நடைமுறைக்குப் பலரும் பழக்கப்பட்டுவிட்டோம். அதன் விளைவு, “என்னடா வாழ்க்கை இது. உடல் வலி கொல்கிறது” என்பது போன்ற துயரக் குரல்கள் இளம் தலைமுறையினர் மத்தியிலும் ஒலிக்கத் தொடங்கிவிட்டன.

முதுகு வலி, கழுத்து வலிப் பிரச்சினைகள் நடுத்தர வயதுடைய ஆணையோ, பெண்ணையோ பாதிக்கும்போது மன வேதனைக்குத் தள்ளப்படுகிறார்கள். இதில், முதுகு வலிக்குப் பல்வேறு காரணங்கள் இருந்தாலும் அனைவராலும் அறியப்படும் பொதுவான காரணம் முதுகு ஜவ்வு விலகல். நமது முதுகில் மொத்தம் 33 எலும்புகள் உள்ளன. இந்த முதுகு எலும்புகளுக்கு இடையே 23 இடங்களில் நீள்வட்ட வடிமான ‘டிஸ்க்’ எனப்படும் வட்டுப் பகுதி உள்ளது.