மாதவிடாய்க் கோளாறும் ரத்த சோகையும்: தவிர்க்க உதவும் சித்த மருத்துவம்

பொதுவாகப் பெண்களின் ஆரோக்கியத்தைப் பாதிக்கும் முக்கிய பிரச்சினைகளாக மாதவிடாய்க் கோளாறுகளும் ரத்த சோகையும் உள்ளன. இவை அன்றாட வாழ்க்கையை மட்டும் பாதிப்பதில்லை; அவர்களின் சுற்றத்தாரின் வாழ்க்கையையும் சேர்த்தே பாதிக்கின்றன.

பெண்களின் ஆரோக்கியமான வாழ்வுக்கு உணவைவிட வேறு சிறந்த மருந்து இருக்க முடியாது. உணவு, மருந்து, துணை மருந்து, பத்தியம் ஆகியவை சரியாக இருந்தால், பெண்களுக்கு இத்தகைய பாதிப்புகள் ஏற்படும் சாத்தியம் குறைவு. சரியான உணவு, சீரான உடல் உழைப்பு, உடற்பயிற்சி, நல்ல பழக்கவழக்கம், போதுமான ஓய்வு உள்ளிட்ட ஆரோக்கியமான வாழ்க்கைமுறை இந்தப் பிரச்சினைகளிலிருந்து விடுபட பெண்களுக்கு உதவுகின்றன; சித்த மருத்துவமும் சில வழிமுறைகளைப் பரிந்துரைக்கிறது.