கண் தானம் என்னும் புத்தொளி!

தன்னுடைய 18 வயது மகனுக்குக் கருவிழி வெள்ளையாக இருப்பதாகக் கூறி பெண் ஒருவர் கண் மருத்துவரை அணுகியுள்ளார். அவரைப் பரிசோதித்த கண் மருத்துவர் அவரது இரண்டு கண்களிலும் கேரட்டோ கோனஸ் என்கிற கருவிழி வளைவு நோய் காரணமாக கருவிழியில் தழும்பு ஏற்பட்டுப் பார்வை பாதிக்கப்பட்டிருப்பதாகக் கூறினார்.

நோய் முற்றிய நிலையில் இருப்பதால் கருவிழி மாற்று அறுவைசிகிச்சை செய்ய வேண்டும் என்று கூறி, தாயின் சம்மதத்துடன் கருவிழி மாற்று அறுவைசிகிச்சை நடத்தப்பட்டது. அதன்பின் அந்த இளைஞனுக்குப் பார்வை மீண்டும் கிடைத்தது.