குழந்தை மேதைகள் - 13: புது ‘மொழி’யை உருவாக்கிய ஜேம்ஸ்!

‘இனி வரும் காலத்தில் விநோதமான குழந்தைகள் என்று அவர்களை விலக்குவதற்குப் பதிலாக, அவர்களிடம் இயற்கையாக உருவான திறமைகளைக் கொண்டாடும்படியான உலகம் அமைய வேண்டும்’ என்று வில்லியம் ஜேம்ஸ் சிடிஸின் (William James Sidis) வரலாற்றை எழுதிய ஏமி வாலஸ் குறிப்பிடுகிறார்.

சமூகத்தால் ஒதுக்கப்பட்ட புத்திசாலிக் குழந்தை ஜேம்ஸ். 1898ஆம் ஆண்டு அமெரிக்காவின் நியூயார்க் நகரில் போரிஸ் - சாரா இணையருக்குப் பிறந்தான். தந்தை, மனநல மருத்துவர். தாய், மருத்துவப் பணியாளர். பெற்றோர் தங்கள் மகன் ஜேம்ஸை எப்படியாவது புகழின் உச்சிக்குக் கொண்டு செல்ல விரும்பினார்கள்.