குழந்தை மேதைகள் - ‘பாய்’ கிங் துட்டன்காமன்

‘இதற்கு மேல் ஒரு அடிகூட எடுத்துவைக்க முடியாது’ என்று ஆர்தர் மேஸ் சக ஆய்வாளர் ஹாவர்ட் கார்ட்டரிடம் சொன்னார். இருவருமே சோர்ந்துவிட்டார்கள். வெப்பம் தகிக்கும் எகிப்து பாலைவனம் அவர்களைப் படுத்திவிட்டது.

‘அரசர்களின் பள்ளத்தாக்கு’ என்று அழைக்கப்படும் இந்தப் பிரதேசத்தில்தான் மூவாயிரம் ஆண்டுகளுக்கு முன்பிருந்தே இறந்துபோன ‘பார்வோன்’ (Pharaoh) மன்னர்களின் உடல்கள் அடக்கம் செய்யப்பட்டிருக்கின்றன.