நீங்களே செய்யலாம்: சுவர் அலங்காரம்!

குழந்தைகளே போன வாரம், காகிதக் கோப்பையில் அலங்காரப் பொருளைச் செய்து பார்த்தீர்களா? இந்த வாரமும் காகிதத்தில் எளிமையான ஒரு சுவர் அலங்காரப் பொருளைச் செய்வோமா?

தேவையான பொருட்கள்

# கத்தரிக்கோல்

# பசை

# வண்ணக் காகிதங்கள்

# நூல்

செய்முறை

# வண்ணக் காகிதங்களை எடுத்துக்கொள்ளுங்கள். அவற்றைப் படத்தில் காட்டியதுபோல இதய வடிவில் வெட்டிக்கொள்ளுங்கள் ( உங்களுக்கு விருப்பமான வடிவங்களில் காகிதத்தை வெட்டிக்கொள்ளலாம்).

# வெட்டப்பட்ட இதய வடிவிலான காகிதத்தில் பசையைக் கொண்டு நூலுடன் ஒட்டிக்கொள்ளுங்கள்.

# ஒன்றன் பின் ஒன்றாக நூலில் இந்த வடிவத்தை ஒட்டிக்கொள்ளுங்கள்.

இப்போது அழகான ஒரு அலங்காரப் பொருள் தயார்.

இதைச் சுவரில் ஒட்டலாம் அல்லது வீட்டின் உத்தரத்தில் தொங்க விட்டு வீட்டை அலங்கரிக்கலாம்.