நீங்களே செய்யலாம்: காகிதப் பட்டாம்பூச்சி

பட்டாம்பூச்சி என்றால் உங்களுக்கு ரொம்ப பிடிக்கும் இல்லையா? வீட்டுச் சுவரில் காகிதப் பட்டாம்பூச்சிகளை ஒட்டவைத்து அழகு பார்ப்பீர்கள். இதோ காகிதத்தில் நாமே பட்டாம்பூச்சி செய்து பார்ப்போம்.

என்னென்ன தேவை:

ஏதாவது ஒரு வண்ணக் காகிதம்.

எப்படிச் செய்வது?

# ஏதோ ஒரு வண்ணக் காகிதத்தைச் சதுர வடிவில் வெட்டி எடுத்துக்கொள்ளுங்கள். முக்கோண வடிவில் அதை மடித்துக்கொள்ளுங்கள். பின்னர் அதைத் திறந்து காகிதத்தைப் பாதியாக மடியுங்கள்.

# படத்தில் காட்டியதைப் போல விரலால் காகிதத்தின் இருபுறமும் மடித்த பகுதியைக் கீழே தள்ளுங்கள். இப்போது உங்களுக்கு முக்கோண வடிவம் கிடைத்துவிட்டதா?

# இப்போது மீண்டும் அதை முக்கோண வடிவில் மடியுங்கள். முக்கோணத்தின் திறந்த முனையைச் சிறிதாக வெட்டி முக்கோணத்தைத் திறக்கவும்.

# படத்தில் காட்டியதுபோல காகிதத்தின் இரு பக்கங்களையும் மடியுங்கள்.

# இப்போது காகிதத்தின் பின்புறத்தை வளைத்து அதை முன் பக்கமாகக் கொண்டு வாருங்கள்.

இப்போது அழகான காகிதப் பட்டாம்பூச்சி கிடைத்துவிட்டதா? உங்கள் வீட்டுச் சுவர்களில் அதை ஒட்டி அழகுப்படுத்தலாம்.