தேன் மிட்டாய் 06: ஒரு பறவையின் பாடல்

நான் போகும் இடம் எல்லாம் அந்தப் பறவையைக் காண்கிறேன். நான் வீட்டுக்குள் அமர்ந்திருந்தால் என் ஜன்னலுக்கு அருகில் வந்து உட்கார்ந்து கொள்ளும். அப்படியும் இப்படியுமாக அசையும் அலகைக் கொண்டு ஜன்னல் கம்பியை வருடும். கீழே எதையோ போட்டுக் கொத்தும்.

பிறகு தலையை உயர்த்தித் தனது கோலிக்குண்டு கண்களால் என்னை உற்றுப் பார்க்கும். ‘எமிலி, எல்லாம் சரியாக இருக்கிறதா? ஒழுங்காக இருக்கிறாயா, என்று விசாரிப்பதுபோல் இருக்கும் அந்தப் பார்வை. நிமிடத்துக்கு நிமிடம் அது என்னைப் பார்த்துக்கொண்டே இருக்கும்.