மூலக்கதை: க்ரிம் பிரதர்ஸ் - இலாவும் மூன்று தேவதைகளும்

இலாவின் அம்மா பஞ்சிலிருந்து நூலை நூற்கும் வேலை செய்து சம்பாதித்துக் கொண்டிருந்தார். ஓய்வு நேரத்தில் இலாவையும் நூல் நூற்கச் சொல்வார். ஆனால், இலாவுக்கு அதில் ஆர்வம் இல்லை. அம்மா சொல்கிறாரே என்று விருப்பமின்றி, மெதுவாகச் செய்வாள்.

அன்றும் இலா பஞ்சை வைத்துக்கொண்டு உட்கார்ந்திருந்தாள். அதைக் கண்ட அவள் அம்மாவுக்குக் கோபம் வந்துவிட்டது. இலாவைத் திட்டிவிட்டார். உடனே தெருவுக்கே கேட்கும் விதமாக ‘ஓ’ என்று குரல் கொடுத்து அழ ஆரம்பித்தாள்.