ஐபிஎல்: அமர்க்களப்படுத்திய ‘தல’ ரசிகர்கள்!

ஐபிஎல் கிரிக்கெட் இறுதிக் கட்டத்தை எட்டிவிட்டது. இந்த ஐபிஎல் தொடரில் சென்னை சூப்பர் கிங்ஸ் அணியின் கேப்டன் எம்.எஸ். தோனி மட்டும் மையப் புள்ளியாக இருக்கவில்லை. இரண்டு இளைஞர்கள் சமூக வலைத்தளங்களில் சென்னை அணி, தோனி சார்ந்து பேசுபொருளாக மாறியிருக்கிறார்கள்.

தோனி பெறாத பரிசு! - சென்னை அணியின் ‘ஹோம் கிரவுண்’டான சேப்பாக்கம் எம்.ஏ. சிதம்பரம் மைதானத்தில் பல முறை இந்த அணி குறிப்பிடத்தகுந்த வெற்றிகளைப் பெற்றிருக்கிறது. தோனியின் மறக்க முடியாத சில கிரிக்கெட் தருணங்களும் இந்த மைதானத்தில் அரங்கேறியிருக்கின்றன. மஞ்சள் படை ரசிகர்களின் கரகோஷங்களுக்கு மத்தியில் தோனி அடிக்கும் மெகா சிக்சர்கள் அதிரடி ரகம்.