சேதி தெரியுமா?

நவ.27: ‘குவெம்பு ராஷ்டிரிய’ விருது தமிழ் எழுத்தாளர் இமையத்துக்கு அறிவிக்கப்பட்டது.

நவ.28: டெல்லியில் நடைபெற உள்ள 2023 குடியரசுத் தின விழாவில் தலைமை விருந்தினராக எகிப்து அதிபர் அப்தல் பதா எல்-சிசி பங்கேற்பார் என்று வெளியுறவுத் துறை அமைச்சகம் அறிவித்தது.

நவ.29: இந்திய ஒலிம்பிக் சங்கத்தின் முதல் பெண் தலைவராகத் தடகள முன்னாள் வீராங்கனை பி.டி. உஷா (58) தேர்ந்தெடுக்கப்பட்டுள்ளார்.

நவ.29: குரங்கு அம்மைக்கு ‘எம்-அம்மை’ என்று உலக சுகாதார நிறுவனம் பெயரிட்டுள்ளது. முந்தையபெயர் ஆப்பிரிக்காவில் கறுப்பினத்தவர்களை இழிவுப்படுத்தக்கூடும் என்பதால் பெயர் மாற்றம் செய்யப்பட்டுள்ளது.

நவ.30: அரியலூர் கங்கைகொண்ட சோழபுரத்தில் அருங்காட்சியகமும் அரியலூர், பெரம்பலூரில் புதைபடிவப் பூங்காவும் அமைக்கப்படும் என்று தமிழக அரசு அறிவித்தது.

டிச.1: குஜராத்தில் முதல்கட்டமாக 89 சட்டப் பேரவைத் தொகுதிகளுக்கு நடைபெற்ற தேர்தலில் 63.31 சதவீத வாக்குகள் பதிவாயின.

nடிச.1: தமிழ்நாட்டின் முதன்மை கணக்குத் தணிக்கையாளராக (சிஏஜி) சி. நெடுஞ்செழியன் பொறுப்பேற்றார்.

nடிச.1: சில்லறை பரிவர்த்தனையில் எண்வய நாணயத்தை (டிஜிட்டல் கரன்சி) இந்திய ரிசர்வ் வங்கி அறிமுகம் செய்தது.

nடிச.2: ஜெர்மனி - கோஸ்டரிகா இடையேயான லீக் போட்டியில் பிரான்ஸைச் சேர்ந்த ஸ்டெபானி ஃப்ரபார்ட் நடுவராகச் செயல்பட்டார். இதன் மூலம் ஆடவர் உலகக் கோப்பையில் நடுவராகச் செயல்பட்ட முதல் பெண் என்கிற பெருமையைப் பெற்றார்.