சென்னைப் பெண்ணின் சாகச உணவு டெலிவரி!

இன்றைக்கு ராக்கெட்டுகள் மட்டுமல்ல, உணவுப் பொருட்களும் டெலிவரிக்காகக் கண்டம் விட்டுக் கண்டம் பாயும் அளவுக்குத் தொழில்நுட்பம் வளர்ச்சி பெற்றுவிட்டது. காலை உணவை ஒரு நாட்டிலும் மதிய உணவை வேறொரு நாட்டிலும் சாப்பிடும் அளவுக்குப் பயண தூரங்களின் எல்லைகளும் சுருங்கிக்கொண்டே வருகின்றன. அதை மெய்ப்பிக்கும் வகையில் சென்னையைச் சேர்ந்த ஓர் இளம் பெண் ஒரு புதிய சாதனையைப் படைத்துவிட்டுத் திரும்பியிருக்கிறார்.

சென்னையில் உள்ள ஒரு கல்வி நிறுவனத்தில் பொறியியல் பட்டப்படிப்பை முடித்தவர் மானசா கோபால். இவருடைய சாதனைப் பயணம் சமூக ஊடகங்களில் கவனம் பெற்றிருக்கிறது. உணவு டெலிவரிக்காகப் பல ஆயிரம் கிலோ மீட்டர் தூரம் சென்றிருக்கிறார் என்று மானசா பற்றிய தகவல்கள் இணையத்தில் வட்டமடித்துக்கொண்டிருக்கின்றன. மானசா கோபால் அப்படி என்ன சாதனையைச் செய்துவிட்டார்?