பாப்கார்ன்: இப்படியும் ஒரு சாதனை

உலகில் கின்னஸ் சாதனைகளுக்குப் பஞ்சமே இல்லை. கின்னஸ் சாதனையாக இதைத்தான் படைக்க வேண்டும் என்று எந்த வரையறையும் கிடையாது. வங்கதேசத்தைச் சேர்ந்த ரசெல் இஸ்லாம் என்கிற இளைஞர் ஸ்கிப்பிங்கில் புதிய சாதனை படைத்திருக்கிறார். ஸ்கிப்பிங் செய்வதெல்லாம் ஒரு சாதனையா என்று நீங்கள் நினைக்கலாம். வழக்கமாக நாம் செய்யும் ஸ்கிப்பிங் போன்று இவர் செய்வதில்லை. பம் ஸ்கிப்பிங் (Bum skipping) என அழைக்கப்படும் தரையில் அமர்ந்தபடி ஸ்கிப்பிங் செய்து சாதனை புரிந்திருக்கிறார். 30 நொடிகளில் 117 முறை இப்படி ஸ்கிப்பிங் செய்து கின்னஸ் சாதனைப் பட்டியலில் இடம்பெற்றிருக்கிறார். இவருடைய ஸ்கிப்பிங் சாகச வீடியோ சமூக வலைத்தளங்களில் வைரலாகி இருக்கிறது.