பாரிஸ் ஒலிம்பிக் 2024 | ஒலிம்பிக் டைரி

‘ஒலிம்பிக்ஸும் பார்க்கலாம், சுற்றுலாப் பயணிகளின் சொர்க்கமாகக் கொண்டாடப் படும் பாரிஸ் நகரையும் பார்க்கலாம்’ என்கிற இரட்டைக் குறிக்கோளுடன் உலகின் பல பகுதிகளிலிருந்தும் பாரிஸ் வந்திருப்போர் எண்ணிக்கை அதிகம்.

பாரிஸில் இப்போது இருப்பது சுமார் ஒன்றரைக் கோடி பயணிகள் என்கிறார்கள். ஆனால், மகாமகத்தையும், அத்திவரதரையும், கும்பமேளாவையும் பார்த்த நமக்கு, பாரிஸ் அப்படி ஒன்றும் ததும்பி வழிவதாகத் தெரியவில்லை. இதற்கான சில காரணங்கள் பின்னர் தெரியவந்தன.