பாரிஸ் ஒலிம்பிக் 2024 | மான்ஸ்டர் ஸ்ட்ரோக்!

# இரு கோடுகள் தத்துவம் பாரிஸ் ஒலிம்பிக் ரசிகர்களை ஆட்டிப்படைத்துக் கொண்டிருக்கிறது. ஒலிம்பிக் நாள்களில் வெயில் அதிக அளவில் இருக்கும் என்று அறிக்கைகள் கூற, பலரும் அதிருப்தியோடு உச்சுக்கொட்டிக் கொண்டிருந்தனர். ஆனால், இப்போது அதிக வெயில் இருந்தால்கூட நல்லது என்று பதறுகிறார்கள். காரணம், தொடக்க விழா கொண்டாட்டத்தின்போது பெய்த மழையும், அதனால் சுருதி குறைந்த ஆட்டம் பாட்டங்களும்.

# நம்மூரில் தேசியக் கொடியைத் தலைகீழாகப் பறக்கவிடும் அவலம் நடப்பதுதான். ஆனால், பல கோடி செலவில் ஒத்திகைகளுக்குப் பின் நடக்கும் ஒலிம்பிக்கில் இப்படி நடந்தால்? மேற்புறம் மூன்று வட்டங்களுடனும், கீழ்ப்புறம் இரண்டு வட்டங்களுடனும் ஒலிம்பிக் கொடி காட்சித் தர வேண்டும். ஆனால், அது மாறிவிட்டது.